Accueil

PERFIEU DE PÒSTE «Encargat(da) de missions» ANEM ÒC

Soumis par anemoc le lun, 02/03/2009 - 22:33
Published in

PERFIEU DE PÒSTE
«Encargat(da) de missions»
ANEM ÒC
(aqueste ligam dobrís lo fichièr PDF)
 
Contract en CDD (7 mes)
Lenga occitana parlada e escricha indispensabla
Luec : Carcassona (11)
Data d’embaucha : començament de mai de 2009
Titular(a) dau permés veitura e veïculat(da)
Experiéncia en secretariat e gestion desirada
 
 
Descriptiu dau pòste :
 
Encargat(da) de missions sus l’organisacion d’un rescòntre d’Occitània tota, en data dau 24 d’octòbre de 2009. (Esperam 20 000 personas)
Vos faudrà metre en plaça l’organisacion generala
Coordonar lei decisions dei diferents comitats
Metre en aplicacion lei decisions de la Coordinacion
Gerir lo secretariat e leis afaires corrents
Mestrejar lei despensas
 
 
Administratiu :
- mestritge dei tecnicas de secretariat
- mestritge deis otís informatics
- nocions corrèctas de comptabilitat e de gestion
■ gestion dau corrier (concepcion e mandadís)
■ mestritge dei despensas
■ seguit deis intradas (soscripcion)
■ seguit dau jornau
■ Realisacion dei budgets e analisi d’aquestei
 
Disponibilitat :
- Seretz portats de participar a fòrça acamps dins la jornada mai tanben en vesprada
■ Lei comitats son «entraïnats» per de benevòles que trabalhan principalament la jornada, lei rescòntres se fan en serada
 
Responsabilitat :
- auretz de metre en aplicacion lei decisions validadas per una coordinacion
- auretz d’èstre reactiu fàcia ais imprevists
■ seretz sota l’autoritat de la Coordinacion Anem Oc
■ trabalharetz principalament ambé d’estructuras basadas sus lo despartament d‘Aude
■ auretz de referents que vos donaràn lei direccions de seguir
 
Evenimenciau :
- Vos faudrà gerir la coordinacion de mesa en plaça d’un evenimenciau au mes d’octòbre 09 : organisacion, securitat, difusion
■ Auretz de velhar sus la mesa en plaça e l’organisacion de la manifestacion en liame ambé la Coordinacion, lei Comitats e lei benevòles
■ Auretz de velhar au seguit deis accions
 
 
Candidaturas de tornar :
per mail comitat.anem-oc@club-internet.fr ò a : IEO - Anem Òc
Ostal Sirventés.79 rue de la Trivalle. 11000 CARCASSONNE
 

Banidièra Òc per la lenga